لاتجبرالخاطر

لاتجبـر الخاطـر بكلمـه تعزيـه***اللي حصل فرق قلـوب الولايـف
افتح كراريس العتب خـل نبديـه***إن كان ودك ترضي أفـاد عايـف
وطالع بعينك قلب ٍ الهـم كاسيـه***واصبر على الشرهه اذامنت خايف
ودك تعرف القلب من رحت وشفيه***ميت بلا خنجر مثل منـت شايـف
اللي فعلتـه مانـي اليـوم ناسيـه***فعلك ابـد ماتحتويـه الوصايـف
ظنيت قدري عالي ٍ حيـل تغليـه***أثر ِ القدر عندك طلع شي هايـف
لليوم قلبـي مابـه انسـان يمليـه***ماهو كبر بس حب ذا اليوم زايف
والله لـو دم ٍ مـع الدمـع تبكيـه***وابديت لي كل العذر والحسايـف
أوجيتني تمحي العتب والمشاريـه***وتسجل اعذارك فـكل الصحايـف
مالك شفيع ٍ عندي اليـوم ترجيـه***وكلمة رضا ماتنطق بها الشفايـف
خلك على درب الذي كنت شاريـه***ولا تشخص بعينك على قصر نايف